चिन्ह

अंक आणि ‘नवा अंक’!

‘चिन्ह’चा अंक २१ जुलै रोजी प्रसिध्द झाला.
२१, २२, आणि २३ जुलै रोजीच तो लेखक, चित्रकार, जाहिरातदार, हितचिंतक
आणि ज्या वाचकांनी तो प्रसिध्द होण्यापूर्वी बुक केला होता त्या
सार्‍यांनाच रवाना झाला. म्हणजे आमच्याकडून... गेला
पण अद्यापपर्यंत तो त्यांच्यापर्यंत पोहोचलेला नाही.
आज ५ ऑगस्ट. तब्बल १४-१५ दिवस झाले पण
अंक संबंधितांपर्यंत पोहोचलेला नाही.
हा साराच प्रकार प्रचंड मनस्ताप देणारा ठरला आहे.
त्या विषयी आता लिहूही नये असं वाटावं, इतका.
एवढाच निर्णय मनाशी पक्का झाला की
आता पुन्हा अंक पाठवताना कुरियर कंपनीचा
संपूर्ण बॅक रेकॉर्ड पाहिल्याखेरिज त्यांच्या हाती
पत्र वा एकही प्रत सोपवायची नाही.
असो.

अंक पोहोचण्याच्या बाबतीत कधी नव्हे ते आता
आम्ही सारा हवाला आता नशीबावर ठेवला आहे.
हे सारं मानहारीकारक आहे पण त्या खेरिज
दुसरा तरणोपायच उरलेला नाही हे निश्चित.

ज्या संबंधितापर्यंत अंक पोहोचला आहे त्यांच्या
फेसबुक, मेल्स, एस. एम. एस. आणि मोबाईलमार्फत
ज्या प्रतिक्रिया येत आहेत त्या उमेद वाढवणार्‍या
नक्कीच आहेत यात शंकाच नाही. कुरियर कंपनीनं
घातलेल्या भयानक गोंधळाच्या काळ्याकुट्‌ट पार्श्वभूमीवर तेवढाच
आता मनाला आधार देणार्‍या ठरल्या आहेत.

२.
आता या नंतरच्या काळात ‘चिन्ह’च्या संदर्भात
जे जे काही घडेल ते सारं नियमितपणानं
येथे मांडावयाचा विचार आहे.
नियमितपणानं म्हणजे रोज नव्हे. जसं जसं
जमेल तसं, त्यात आपलाही सहभाग अभिप्रेत आहे.
तुम्हाला ‘चिन्ह’चा अंक पाहून जे वाटलं ते आम्हाला
जरूर कळवा. मेल, पत्र, एस. एम. एस कुठल्याही
माध्यमातून तुमच्या प्रतिक्रिया आम्हाला पाठवा.
अगदी प्रतिकूलसुध्दा चालतील.
आम्ही त्या येथे प्रसिध्द करू. ‘चिन्ह’चा हा ब्लॉग आता
चित्रकलेचं व्यासपीठ बनावा अशी कल्पना आहे.
आणि आम्हाला खात्रीही आहे की आपणही
त्यात जरूर सहभागी व्हाल.

३.
आणखी एक.
‘चिन्ह’चा हा अंक संपादित करताना आलेले वेगवेगळे
चित्रविचित्र अनुभवही आम्ही निमित्ता निमित्तानं
आपल्याशी शेअर करणार आहोत.
तेव्हा वाचायला विसरू नका.
‘अंका’ बाहेरचा हा एक आणखी ’नवा अंक’.

४.
‘दिव्यभास्कर’ या गुजराती दैनिकाचे असिस्टंट एडीटर
धर्मेश भट्ट आपल्या एस. एम. एस. मध्ये म्हणतात....
Really beautiful and rich anka of ‘Chinha’. 
You deserve a lot more than just formal ‘Congratulation’. 
As a journalist, I was expecting, couple of other  aspects of nudity or nudism. 
As a journalist too I got good reading.
Thanks.

तर ‘महाराष्ट्र टाइम्स’च्या ऑनलाईन आवृत्तीचे
नीलेश बने एस. एम. एस. मध्ये म्हणतात....
नमस्कार.
अंक मिळाला. खुप खुप धन्यवाद.
अंकाच्या पानापानावर अफाट मेहनत दिसते आहे.
त्याबद्दल अभिनंदन.
वाचून सविस्तर प्रतिक्रिया कळवतो.
पुन्हा एकदा धन्यवाद.

‘रहेजा स्कूल ऑफ आर्ट’चे माजी कलाशिक्षक
शिरिष मिठबावकर म्हणतात....
सतीश, एक अतिशय उच्च दर्जाचा
अंक दिलात त्याबद्दल
अभिनंदन आणि आभार.